Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento.Sae á venda aCadaCanto, novo proxecto do selo discográfico Músicas de Salitre
- Detalles
- Categoría: Zona Aberta
- Publicado o Mércores, 16 May 2012 11:25
- Escrito por Mateo Pereira
Berrogüetto, Espido, Benzón, Arrolos de Salitre… Son moitos os momentos nos que os camiños da súa vida profesional mesturáronse pero nunca ata o de agora coincidiron todos nun mesmo punto.
aCadaCanto fórmano trece cancións, a maioría orixinais e algunha procedente da música tradicional. O seu single, Teu nome por mar e terra, inspirado nun poema de Carlos Rivero Troncoso, avanzouse hai tres semanas en Youtube e recibiu máis de 11.000 visitas. Pódese consultar no vindeiro enlace:
http://www.youtube.com/watch?v=4P1AMoRKvOE
Este disco nace co espírito de ser un proxecto musical finito, froito dun momento concreto dos seus catro compoñentes. Segundo eles, “trátase dun proxecto efémero, somos conscientes de que a nosa colaboración se limitará no tempo polos nosos outros traballos. Tocaremos en directo, faremos xira por teatros pero chegará un día no que nos despidamos para, quen sabe, quizais nalgún momento volver atoparnos”.
As primeiras datas confirmadas dos concertos da súa xira son o 8 de xuño, no Teatro Rosalía de Castro e o 13 de xuño no Teatro Principal de Santiago de Compostela, cuxas entradas xa están á venda nas webs de Novagaliciabanco e Servinova.
FOTO: detalle da capa do novo disco de aCadaCanto
Dioivo na rede