Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento.Consello de Redacción
Gravamos vídeos, fixemos panfletos e petamos as redes sociais. Os oito de Dioivo fomos argallando este medio dixital en reunións semanais, en horas e lugares intempestivos pero sempre coa ilusión de quen sabe o que quere facer e trata de levalo adiante. O consello de redacción de Dioivo intégrano Carlos Santiago, Carlos Meixide, Montse Dopico, Rebeca Fernández, Alberto Ramos, Rosabel Candal, Marga Tojo e Fran P. Lorenzo. Ao fondo, co seu perfil desacougante de Anonymous trapalleiro, o noso benquerido Pelegrín.
Dioivo na rede