Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento.A sétima no peto
- Detalles
- Categoría: Baloncesto
- Publicado o Venres, 23 Marzo 2012 23:35
- Escrito por DIOIVO
O Breogán sumou a súa sétima vitoria consecutiva na difícil cancha do Knet&Éniac Clavijo de Logroño, o equipo que presentaba un mellor balance de vitorias na segunda volta da Liga. O equipo lugués volveu demostrar a notable progresión no seu xogo e hoxe foi capaz de superar a un rival especialmente correúdo. No segundo cuarto, os de Pepe Rodríguez deron un arreón importante no marcador (17-26) que lles pemitiu chegar ao descanso cunha vantaxe ben xeitosa (32-40). Na reanudación, os rioxanos puxeron as cousas difíciles, nomeadamente o impoñente á pivot nixeriano Lawal, que foi o mellor dos seus con 21 puntos e 14 rebotes, pero en ningún momento o Breogán perdeu a concentración nin se afastou do guión deseñado ao longo da semana. Ao final do terceiro cuarto o marcador estaba moito máis axustado (57-60), pero no derradeiro, os galegos demostraron unha extraordinaria lectura do xogo, aplicándose con dureza en defensa e cun inusitado acerto no xogo ofensivo. Como no último partido ante mallorca, o Breo soubo administrar con oficio vantaxes no marcador exiguas pero suficientes. Finalmente, o resultado 79-86 é o premio para un Breogán que foi mellor co rival nun partido especialmente duro e igualado. O Knet&Éniac chegaba o partido co mesmo número de vitorias co Breogán. Agora queda a un partido e co basket-average en contra.
No plano individual, cómpre salientar polos celestes máis unha vez a James Feldeine, máximo anotador do equipo con 21 puntos e unha notable puntería no tiro exterior. Da mesma maneira ca pasada semana, contribuiu tamén no apartado reboteador (8 rebotes). Quen non estivo tan entoado como outras veces foi o senegalés Papa Dia (8 puntos, 5 rebotes), mais esta noite o seu rol asumiuno á perfección un soberbio Manu Gómez. O pívot coruñés achegou 18 puntos e 10 rebotes.
Con esta nova vitoria, o Breogán sitúase sétimo na clasificación e agarda pola visita o sábado que vén do Girona, en cuxo plantel están os exbreoganistas Nacho Ordín e Jordi Vallmajó.
Entrevista a Pepe Rodríguez na previa do partido
FOTO: Ogirri nun partido desta tempada (CB Breogán)
Dioivo na rede