Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento.Balcanizándochevosnos (e III)
- Detalles
- Categoría: Crónicas Balcánicas
- Publicado o Martes, 26 Xuño 2012 12:08
- Escrito por Jairo Dorado
Na última entrega sobre o estereotipo da balcanización nos medios políticos e comunicativos españois, Jairo Dorado analiza a situación lingüística na ex Iugoslavia e as semellanzas e diferenzas co conflicto da lingua na Galiza. Botando man dun vello graffiti vigués, "Eslovenia somos nós", o artigo deita luz sobre a complexa realidade lingüística dos Balcáns, con diferentes prismas segundo o territorio xa presentes na antiga federación.
Balcanizándochevosnos (II)
- Detalles
- Categoría: Crónicas Balcánicas
- Publicado o Martes, 05 Xuño 2012 13:37
- Escrito por Jairo Dorado
Segunda entrega da serie de artigos sobre o concepto de balcanización aplicado ao estado español que Jose María Aznar, entre outros, popularizou na escena política e mediática española durante o seu goberno. Jairo Dorado analiza a propia aplicación do termo no espazo territorial da antiga Iugoslavia e a súa traslación posterior á realidade española, desvelando a manipulación ideolóxica nesgada que dá pe a este peculiar xogo de linguaxe.
Kuntakinta en Albania
- Detalles
- Categoría: Crónicas Balcánicas
- Publicado o Martes, 15 May 2012 09:46
- Escrito por Jairo Dorado
Nunha nova entrega da súa saga balcánica, Jairo Dorado achéganos a outro estereotipo nacional, o dos albaneses, baixo a premisa de como a revolución dixital muda a nosa percepción da realidade. Albania, outra das nacionalidades que conforman o subconsciente de Europa, a célebre descrición dos Balcáns de Slavoj Žižek, é percibida como un pobo atrasado e dramáticamente ancorado no pasado, o lugar do que ninguén quere ser na zona máis quente de Europa.
Balcanizándochevosnos (I)
- Detalles
- Categoría: Crónicas Balcánicas
- Publicado o Martes, 22 May 2012 10:36
- Escrito por Jairo Dorado
Nunha primeira entrega dunha serie de tres artigos, Jairo Dorado analiza a percepción dos Balcáns desde a comunicación social española, e a deturpación informativa do conflito balcánico agochada tras os propios prexuízos sobre as cuestións nacionais no interior do estado español. O xogo de semellanzas e diferencias entre unha realidade e outra, entronizado polos xornais e comunicadores españois desde a crise do estado iugoslavo nos anos noventa, revela máis os temores propios que unha visión minimamente xusta da situación no espazo balcánico.
Iugosaudade
- Detalles
- Categoría: Crónicas Balcánicas
- Publicado o Luns, 07 May 2012 09:33
- Escrito por Jairo Dorado
Jairo Dorado achéganos ao Primeiro de Maio na ex Iugoslavia, onde en paralelo coa Östalgie -a nostalxia do sistema comunista en certas repúblicas do Leste-, o fenómeno da "jugonostalgija" é partillado por vellos e novos nunha proporción acaso sorprendente para mentalidades occidentais. O churrasco é, con todo, a gran tradición do día dos traballadores e a crónica aproveita para acompañar a reflexión social e política da gabanza excelente do año ao espeto de Jablanica.
Dioivo na rede